„Hrein Orka – heilbrigt líferni“
...er yfirskrift íslenska skálans á Heimssýningunni 2010 í Sjanghæ. Aðaláherslur þáttöku Íslands á Sýningunni eru á sviði endurnýjanlegra orkugjafa, þekkingariðnaðar og ferðamennsku. Heimssýningin í Sjanghæ er sú stærsta og umfangsmesta sem haldin hefur verið með þátttöku 186 þjóða og u.þ.b. 60 alþjóðastofnanna undir yfirskriftinni “Betri borg, betra líf”. Heimssýninginn er kjörinn vettvangur til að byggja upp ímynd Íslands á alþjóðavettvangi en gert er ráð fyrir að um 70 milljónir gesta heimsæki heimssýninguna. Sýningin opnaði þann 1. maí og stendur til 31. október.
Þáttaka Íslands í EXPÓ 2010 er einstakt tækifæri fyrir íslensk fyrirtæki og stofnanir til að kynna vörur sínar og þjónustu á Kínamarkaði. Sérstök viðskiptamiðstöð er starfrækt í skálanum með aðstöðu til funda- og ráðstefnuhalda. Þá er boðið upp á sérstaka ráðgjafaþjónustu fyrir íslensk fyrirtæki í þeim tilgangi að nýta sem best þau tækifæri sem í Sýningunni felast.
Nýjustu fréttir
Utanríkisráðherra heimsækir Expó
Össur Skarphéðinsson utanríkisráðherra heimsótti Shanghai og EXPO um miðjan mánuðinn á meðan opinberri heimsókn hans til Kína stóð. Á EXPO átti ráðherra átti viðkomu í skálum Íslands og Kína, í þeim síðari heimsótti hann einnig skála Jiangsu og Shaanxi héraða. Jiangsu hérað er eitt af mikilvægustu viðskiptasvæðum Kína og í Shaanxu héraði er að finna íslenskar hitaveitur.
KK band með tónleika í Shanghai
Í tengslum við komu sendinefndar úr ferðamálageiranum til Shanghai hélt KK band tónleika í Shanghai í júnímánuði síðastliðnum. Tónleikarnir voru haldnir á litla sviði menningarmiðstöðvar Expó sem er risavaxin tónleikahöll á heimssýninarsvæðinu. Um 500 manns sóttu tónleikana en þeir voru hinir þriðju sem KK heldur í Shanghai.
Dugguholufólkið á kvikmyndahátíðinni í Shanghai
